II CURSO DE MICOLOXÍA FARIO

Os vindeiros días 17 e 18 de Outubro celebraremos o II CURSO DE MICOLOXÍA - FARIO.

Durante o día 17 farase unha saída ao monte, co fin de coñecelos sobre o terreo e descubrir o que agochan os nosos montes

Durante o día 18, os monitores darán unha amena charla, de como distinguir os distintos tipos de setas e fungos, así como os efectos nocivos que producen algunhas delas. A continuación terá lugar unha degustación no Café Bar O'Estanco de Cabovilaño - Laracha.

Crónica das II XORNADAS DE LIMPEZA NO RÍO ANLLÓNS

A pesar do mal tempo reinante e da choiva caida, os socios de FARIO non dubidaron en continuar as labouras de limpeza do tramo do Río Anllóns, comprendido entre Ponte Formigueiro e Ponte Pereiro. As xornadas continuarán o vindeiro sábado día 26 de setembro, co fin de recuperar un tramo de río moi castigado polo abandono das terras de labor que o rodean, que converten as leiras en campos de silvas e maleza que chegan ata a mesma veira do río.

Nova Páxina WEB "CUCHARILLAS EDU"

Compráceme comunicar que un dos nosos patrocinadores "CUCHARILLAS EDU" ven de poñer en marcha a súa páxina web www.cucharillasedu.com, unha páxina completa, que contén dende a historia da pesca con cucharilla, o proceso artesanal EDU, técnicas para pescadores noveles e veteranos, os novos productos e adaptacións de EDU en canto a canas e carretes... en fin unha páxina chea de todas aquelas cousas que a todolos amantes da pesca e do bo facer nos gusta.


Noraboa dende FARIO pola páxina e unha aperta