ASAMBLEA XERAL

Estimado socio:

Antes de nada, felicitarte nestas datas, e manifestarche o desexo de que o vindeiro ano sexa mellor e se cumpran todolos teus desexos. Tamén quixera comunicarche que o vindeiro día 27 de Decembro, celebraremos unha Asemblea Xeral, no local da Sociedade sito no Café Far O’Estanco do Cancelo – Cabovilaño – A Laracha, as 18:00 en primerira convocatoria e as 18:30 en segunda convocatoria. Sería importante que asitises para poder comprender o funcionamento da Sociedade, así como para aportar ideas e proxectos para o vindeiro ano. Asímesmo, envíovos o resumen de ingresos e gastos de este ano 2008, co fin de que comprendades que a colaboración de todos e imprescindible para que podamos seguir loitando por que se nos escoite e se nos vexa para poder conseguir os nosos fins. Unha Sociedade que no é coñecida, non existe, e polo tanto si non existe, non ten dereito a nada, FARIO xa é coñecida gracias ao traballo realizado este ano, e gracias a vos, os socios.
Comunicarche tamén que o día 31 de decembro as 17:00 horas celebraremos un viño de confraternidade no Café O’Estanco, para despedir este ano de éxitos.

Unha aperta




Suso Vilar
Presidente

ÓS RÍOS PRESENTE E FUTURO

O pasado sábado celebrouse en Lugo, unha xornada sobre os nosos ríos, presente e futuro. Nela participou xente como o Dr. Fernando Cobo da U.S.C. e o vicepresidente da sociedade Mestas del Narcea, dándolle ao numeroso público congregado alí, unhas nocións de como está e como debe estar a situación das nosas concas fluviais. Ao final a Federación repartiu galardóns a todolos campións da nosa xeografía galega, alí estaba xente como Sandra de la Fuente, David Arcay, Becerra, Calvete e outros moitos campións, ainda que menos veteráns, como o noso MARTÍN RODRÍGUEZ CAMBÓN. Felicidades a todos por un acto tan ben organizado e tan interesante.

“Lampreas e Pesqueiras” por Miguel Piñeiro

NOTA DE PRENSA
EDITORIAL GALAXIA. DEPARTAMENTO DE COMUNICACIÓN
Paula García Márquez- 986 432100/ 618 737730



EDITORIAL GALAXIA COMPRÁCESE EN ANUNCIAR A PRESENTACIÓN DO LIBRO

LAMPREAS E PESQUEIRAS
de Miguel Piñeiro

Sábado 22 de novembro, ás 13.00 horas.
Salón Camilo José Cela. Restaurante Chef Rivera, Padrón



O acto contará coas intervencións de Víctor F. Freixanes, César Portela, Juan José Moralejo, Joaquín España, Chef Rivera e o autor, Miguel Piñeiro.




Xa está á venda o novo libro de Miguel Piñeiro. Lampreas e Pesqueiras, é o quinto traballo do escritor e periodista de Catoira.

Con prólogos dos recoñecidos restauradores Ferrán Adriá e Juan Mari Arzak e con epílogo de Juan José Moralejo, a obra consta de catro partes: unha analítica histórica sobre o paso destas construcións a través dos séculos, un estudio bio-morfolóxico da lamprea, e as técnicas de pesca que se usan na actualidade para a súa captura nos ríos Miño, Ulla e Tea.

A cuarta parte se dedica a un denso receitario no que participaron Pedro Subijana, os restauradores máis representativos da gastronomía galega e o prestixioso gastrónomo Caius Apicius.

O libro se presenta o vindeiro sábado 22 de novembro no Restaurante Chef Rivera de Padrón e contará coa participación do arquitecto César Portela, o Doutor Juan José Moralejo, o perodista e escritor Joaquín España, o restaurador Chef Rivera, o director xeral de Editorial Galaxia Víctor F. Freixanes e o propio autor, Miguel Piñeiro.