viernes, 26 de junio de 2009

MORTANDADE DE PEIXES NO RIO BARBAÑA

O punto da vertedura cor avermellada é a depuradora de San Cibrao das Viñas, á cal chegan augas de empresas de catro polígonos Unha vertedura química provoca unha "importante" contaminación no río Barbaña en Ourense e mortaldade da fauna piscícola OURENSE, 25 (EUROPA PRESS)Unha vertedura de carácter químico, con altos índices amonio e cloruro, provocou unha "importante" contaminación no río Barbaña, na cidade de Ourense, e a consecuente mortaldade da fauna piscícola como escalos e mesmo especies da cadea trófica dos peixes, como algunhas samesugas.

Segundo explicou a Europa Press o técnico da Confederación Hidrográfica do Miño-Sil, Agustín Sevilla, as mostras tomadas en varios puntos do río revelan un PH da auga "moi baixo" (máis de catro puntos por debaixo do normal), fronte a unha elevada acidez, o cal afecta "de forma significativa" á fauna piscícola da leito fluvial.

"A agresividade da vertedura" xa provocou unha "elevada" mortaldade de especies como escalos, polo que once efectivos do Servizo de Conservación da Natureza da Consellería do Medio Rural e sete peóns do Concello de Ourense trasladaranse ao lugar para recoller os exemplares mortos.
Os técnicos da Confederación Hidrográfica realizaron unha inspección visual ao longo do leito do río Barbaña e determinaron que o punto da vertedura foi a depuradora de San Cibrao das Viñas, de onde onte pola tarde saía auga de cor avermellada que se ía tornando en ocre a medida que avanzaba augas abaixo, mentres que augas arriba non se percibiu ningunha anomalía.

BUSCAR O CAUSANTE
Non obstante, o técnico Agustín Sevilla explicou que iso "non quere dicir que a depuradora sexa a responsable" da vertedura. Ao respecto, o concelleiro de San Cibrao das Viñas responsable da área onde se sitúa a depuradora, José Méndez, asegurou a Europa Press que se comprobou que as instalacións "funcionan perfectamente", polo que barallan que se tratou dunha vertedura que chegou dunha empresa e que os aparatos "non foron capaces de procesar a substancia para a súa depuración".

A esta depuradora chegan as augas procedentes de "moitas empresas" situadas nos polígonos de San Cibrao das Viñas, de Pereiro de Aguiar, de Barreiros e do Parque Tecnolóxico. Neste sentido, fontes municipais lamentaron a "dificultade" de determinar exactamente o culpable da vertedura, pero os técnicos da Confederación Hidrográfica xa están a intentar coñecer a súa composición exacta para determinar o causante e proceder a abrir un expediente sancionador por infracción, conforme á lexislación en materia de augas.

O técnico Agustín Sevilla indicou tamén que a previsión é que "pouco a pouco" a vertedura se vaia diluíndo ata a súa chegada ao río Miño. O control deste tipo de vertedura é "moi complicado", xa que a substancia está moi diluída na auga e non flota, de forma que as barreiras que se empregan en casos de contaminación por hidrocarburos non son eficientes e "habería que recoller practicamente todo a auga do río".

Pola súa banda, o servizo de Conservación da Natureza xa remitiu tamén mostras de auga do río a un laboratorio da Consellería de Medio Ambiente. Así mesmo, Conservación da Natureza trasladará mañá á depuradora a un equipo de inspectores para intentar aclarar as causas e a orixe da vertedura.

RÍO MOI AFECTADO
Segundo as organizacións ecoloxistas, o río Barbaña está "moi castigado" e presenta un hábitat "moi alterado" pola actividade humana. Precisamente pola desaparición de animais e plantas debido ao seu uso como colector de verteduras, o Concello de Ourense o ano pasado anunciou unha inversión de 140.000 euros para completar o saneamento do río ao seu paso pola cidade para favorecer unha progresiva recuperación de especies.

Non obstante, no leito do río Barbaña non hai salmónidos como troitas, dado que o estado do hábitat fluvial "non é o óptimo para a vida desta especie", segundo a Confederación Hidrográfica do Miño-Sil.

1 comentario:

  1. QUE TEN QUE OCURRIR PARA QUE ACTUE A XUSTIZA

    Adega pregunta ao Fiscal da Audiencia se existe unha Fiscalía especializada en Medio Ambiente.
    Estabamos en plenas Festas Maiores da Cidade cando, outra volta máis, produciuse un atentado ecolóxico ao río Barbaña. Morte e destrución da vida piscícola por unha vertedura de contaminantes químicos nas augas da natureza. Indignación e estupor ante a reiteración dos feitos. Impotencia e desalento ante a pasividade das autoridade pública, todas sen distinción de cores.
    Anteriormente levábanse producindo verteduras contaminantes sen maiores consecuencias xurídicas nin políticas. Nunca se ten actuado por parte das administracións coa contundencia sancionadora da que son merecentes estes feitos.
    Un delito contra a natureza
    Esta vertedura semella que a podemos cualificar coma “moi grave” e debe ter consecuencias penais, alén das obrigatorias multas administrativas. Por todo isto, Adega demanda xa a actuación investigadora da Fiscalía de Medio Ambiente que, oh sorpresa!, existe na Audiencia Provincial de Ourense e cuxa titular, Dª Camen Eiró, debería pórse á tarefa de dirixir e recabar toda a información da actuación das administracións, neste caso para, unha vez atopado/s o/os culpable/s, interpor unha denuncia penal, xa que existen suficientes elementos con clara intencionalidade dun delito contra o medio ambiente.
    Dados os elementos químicos atopados nas analíticas das augas (amoníaco e anhidrido carbónico) será moi doado atopar aos culpables xa que se poden detectar as industrias existentes no Polígono industrial que manipulan ou fan uso deste produtos químicos, por iso Adega non vai admitir unha simple multa
    www.adega.info
    (por certo que van 17.000 peixes mortos) no barbaña morreron ata as sanguijuelas

    ResponderEliminar

Archivo del blog